چین کے جنوب مشرقی صوبے فوجیان کے شہر ژانگ ژو میں زیرتعمیر ژانگ ژو جوہری توانائی منصوبے کا ایک منظر۔(شِنہوا)
شین زین(شِنہوا)چین کے جنوبی صوبے گوانگ ڈونگ کے شہر لوفینگ میں ایک نئے ری ایکٹر کی تعمیر شروع ہوگئی ہے جو ایک جوہری توانائی منصوبے کا حصہ ہے۔
چائنہ جنرل نیوکلیئر پاور گروپ (سی جی این) کے مطابق تیسری نسل کے پریشرڈ واٹر ری ایکٹر ڈیزائن کپ 1000 کو اپناتے ہوئے ری ایکٹر نمبر 1 کی تعمیر میں ماڈیولر تعمیرات، ڈیجیٹل بلڈنگ ٹیکنالوجیز اور خودکار ویلڈنگ شامل ہوں گی تاکہ حفاظتی اور معاشی صلاحیت میں اضافہ کیا جاسکے۔
اس منصوبے میں مجموعی طور پر 6 ری ایکٹرز کی منصوبہ بندی کی گئی ہے۔ ری ایکٹرز نمبر 5 اور 6 کا تعمیراتی کام بالترتیب 2022 اور 2023 میں شروع ہوا تھا۔ جس میں مقامی طور پر ڈیزائن کردہ تیسری نسل کی ہوالونگ 1 جوہری ٹیکنالوجی کا استعمال کیا گیا تھا۔
چائنہ جنرل نیوکلیئر پاور گروپ کا کہنا ہے کہ تمام 6 ری ایکٹرز کے مکمل طور پر فعال ہوجانے کے بعد اس منصوبے سے سالانہ تقریباً 52 ارب کلو واٹ آور بجلی پیدا ہونے کی توقع ہے۔ یہ پیداوار ایک کروڑ 57 لاکھ 70 ہزار ٹن معیاری کوئلے بچت اور سالانہ 4 کروڑ 26 لاکھ 90 ہزار ٹن کاربن ڈائی آکسائیڈ کا اخراج کم کرے گی۔
