بدین کار حادثے میں صوبائی وزیر یونیورسٹی اینڈ بورڈز اسماعیل راہو کی ہمشیرہ حسنہ راہو سمیت 2افراد جاں بحق ہو گئے۔
پولیس کے مطابق حادثہ کھورواہ چوک کے مقام پر پیش آیا ،تیز رفتاری کے باعث دو گاڑیاں ٹکرانے کے نتیجے میں حسنہ راہو سمیت پانچ افراد زخمی ہوئے جنہیں تعلقہ ہسپتال گولاڑچی منتقل کیا گیا، بعد میں حسنہ راہو کو تشویشناک حالت میں کراچی کے نجی ہسپتال لے جایا گیا تاہم وہ زخموں کی تاب نہ لاتے ہوئے انتقال کر گئیں۔
حسنہ راہو کے علاوہ حادثے کا ایک اور زخمی شخص بھی جاں بحق ہوگیا۔
