بیروت: لبنانی صدر جوزف عون نے کہا ہے کہ اسرائیل کی جانب سے جنوبی لبنان میں بفر زون قائم کرنے کے بارے میں ہمیں کوئی باضابطہ اطلاع نہیں ملی، جنوبی لبنان میں اقوام متحدہ کی امن فورس "یونیفیل” کی موجودگی میں توسیع ناگزیر ہے تاکہ سلامتی کونسل کی قرارداد 1701 پر مکمل عمل درآمد ہوسکے۔
غیر ملکی میڈیا کے مطابق صدر عون نے امریکی کانگریس کے رکن ڈیرن لحود سے ملاقات کے دوران کہا کہ لبنان اقوام متحدہ کی فورس کے قیام کو وقت سے پہلے ختم کرنے کے بجائے اس کی موجودگی برقرار رکھنے کا خواہاں ہے۔
انہوں نے واضح کیا کہ لبنان امریکی ایلچی ٹامس براک اور سابق ایلچی مورگن اورتاگوس کے ذریعے اسرائیلی ردعمل کا منتظر ہے، جو تجاویز پر مشتمل ایک تحریری دستاویز لے کر آئیں گے۔
اس قرارداد میں اسرائیل کے زیر قبضہ لبنانی اراضی سے انخلا، قیدیوں کی رہائی اور لبنانی فوج کی بین الاقوامی سرحد تک تعیناتی شامل ہے۔
