لاہور: جسٹس عابدعزیز شیخ نے قائم مقام چیف جسٹس کے عہدے کا حلف اٹھا لیا،جسٹس شمس محمود مرزا نے ان سے حلف لیا، حلف برداری کی سادہ و پروقار تقریب لاہور ہائیکورٹ کے ججز لانج میں منعقد ہوئی جس میں لاہور ہائیکورٹ کے ججز، بار ایسوسی ایشن کے عہدیداران، وفاقی وصوبائی لا افسران، وکلا اورعدالتی افسران نے شرکت کی۔
اس موقع پر ججز اور وکلا نے جسٹس عابد عزیز شیخ کو قائم مقام چیف جسٹس کا منصب سنبھالنے پر مبارکباد دی۔
واضح رہے کہ چیف جسٹس لاہور ہائیکورٹ جسٹس عالیہ نیلم کے غیر ملکی دورے کے باعث جسٹس عابد عزیز شیخ کو قائم مقام چیف جسٹس لاہور ہائیکورٹ مقرر کیا گیا ہے۔
