اسلام آباد: الیکشن کمیشن نے سینیٹ انتخابات میں منتخب ارکان کا نوٹیفکیشن جاری کر دیا۔ نوٹیفکیشن کے مطابق آزاد ارکان میں مراد سعید، فیصل جاوید، نورالحق قادری، مرزا آفریدی شامل ہیں جبکہ مسلم لیگ (ن) کے نیاز احمد، جے یو آئی کے عطاالحق اور پیپلز پارٹی کے طلحہ محمود کا نوٹیفکیشن جاری کیا گیا ہے۔
خواتین کی نشست پر آزاد رکن روبینہ ناز اور پیپلز پارٹی کی روبینہ خالد ،ٹیکنوکریٹ نشست پر آزاد رکن اعظم سواتی اور جے یوآئی کے دلاور خان کا نوٹیفکیشن جاری کیا گیا ہے۔ نوٹیفکیشن کے مطابق ساتوں سینیٹرز جنرل نشست پر خیبر پختونخوا سے منتخب ہوئے ہیں۔ اعلامئے کے مابق منتخب ارکان سینیٹ کی مدت 8اپریل 2030 کو مکمل ہوگی۔
