بیجنگ (شِنہوا) چین کی وزارت تجارت نے منگل کے روز قومی سلامتی اور مفادات کے تحفظ اور عدم پھیلاؤ جیسے بین الاقوامی عزم کی تکمیل کے لئے جاپان کے 20 اداروں کو اپنی برآمدی کنٹرول کی فہرست میں شامل کر لیا۔
وزارت کی جانب سے جاری اعلامیے کے مطابق برآمد کنندگان کو منع کیا گیا ہے کہ وہ ان 20 اداروں کو دوہری استعمال کی اشیاء برآمد نہ کریں۔ بیرون ملک اداروں اور افراد کو بھی چین سے حاصل ہونے والی دوہری استعمال کی اشیاء ان 20 اداروں کو منتقل کرنے یا فراہم کرنے کی اجازت نہیں ہوگی۔ اس سلسلے میں جاری تمام متعلقہ سرگرمیاں فوری طور پر روک دی جائیں گی۔
وزارت نے جاپان کے مزید 20 اداروں کو نگرانی کی فہرست میں بھی شامل کر لیا ہے کیونکہ ان اداروں کے دوہری استعمال کی اشیاء کے آخری صارفین اور استعمال کے مقاصد کی تصدیق ممکن نہیں ہو سکی۔
