سینئر اداکارہ صباء فیصل نے کہا ہے کہ نئے رشتے بناتے وقت پرانے رشتوں کا خیال رکھنا چاہئے، میری شادی کے بعد بھی خدشہ تھا ماموں والدہ کے تعلقات خراب نہ ہوں مگر وہ دونوں مزید قریب آگئے۔
میڈیا رپورٹ کے مطابق اداکارہ صبا فیصل نے ٹک ٹاک پر شیئر ویڈیو میں کامیاب و خوشگوار شادی شدہ زندگی گزارنے کی نصیحت کرتے ہوئے کہا کہ جیسا کہ آپ سب جانتے ہیں میری شادی میرے ماموں کے بیٹے سے ہوئی، میرے ماموں اور میری والدہ کے درمیان خوبصورت رشتہ تھا مگر میری شادی کے بعد خدشہ تھا کہ کہیں اس نئے رشتے کی وجہ سے ان کے تعلقات متاثر نہ ہوں۔
انہوں نے کہا کہ خدشات کے برعکس میری شادی کے بعد ان کا رشتہ مزید مضبوط ہو گیا اور وقت کیساتھ ساتھ وہ ایک دوسرے کے اور قریب آ گئے۔
میرے ماموں کی وفات تک میری والدہ اپنے بھائی سے بیحد محبت کرتی رہیں۔
اداکارہ نے کہا کہ نئے رشتے بناتے وقت یہی مقصد ہونا چاہئے کہ پرانے رشتے متاثر نہ ہوں بلکہ خاندان مزید قریب آئیں اور لوگوں کے درمیان محبت بڑھے۔
انہوں نے کہا کہ بہن بھائیوں کا رشتہ قیمتی ہوتا ہے، نئے رشتوں کا اس میں اضافہ کرنا چاہئے۔
