رہنماء پیپلز پارٹی سینیٹر سلیم مانڈوی والا نے کہا ہے کہ پاکستانی شناخت پر آنیوالے افغانوں کا مسئلہ امریکہ کے سامنے اٹھائیں گے، امید ہے امریکہ جلد امیگریشن ویزے سے متعلق پابندی اٹھالے گا۔
واشنگٹن میں میڈیا سے گفتگو کرتے ہوئے سلیم مانڈوی والا نے کہا کہ پاکستان پر امیگریشن ویزے کی پابندی سے متعلق بات کر رہے ہیں، پاکستانی شناخت پر آنے والے افغانوں کا مسئلہ امریکی حکام کے سامنے اٹھائیں گے۔
انہوں نے کہا کہ جلد پاکستان سے ایک اور پارلیمانی وفد امریکا کا دورہ کرے گا، عوامی نمائندوں کے درمیان ہم آہنگی پیدا کرنے کی کوشش کر رہے ہیں، امید ہے امریکہ جلد امیگریشن ویزے سے متعلق پابندی اٹھالے گا۔
