وزیر اعلی خیبر پختونخوا علی امین گنڈا پور نے واضح کیا ہے کہ حکومت سے مذاکرات کا آغاز عمران خان کی رہائی کے بعد ہوگا، ہمارا احتجاج پرامن ، سڑکیں بند کر کے عوام کو تکلیف پہنچائی جارہی ہے، جو بھی ہو بانی پی ٹی آئی کے حکم پر ہر صورت عمل کروں گا۔
وزیراعلی خیبرپختونخوا علی امین گنڈاپور نے کہا کہ بانی پی ٹی آئی کے حکم پر ہر صورت عملدرآمد کروں گا، میرا اختیار ان کے پاس ہے جو وہ کہیں گے وہ کیا جائے گا۔ انہوں نے کہا کہ پی ٹی آئی کارکن ہر صورت میں ڈی چوک پر پہنچیں گے بانی پی ٹی آئی اور دیگر قیدیوں کی رہائی اور مطالبات کی منظوری تک اسلام آباد میں رہیں گے
انہوں نے کہا کہ ہمارا احتجاج پر امن ہے حکومت ملک کو بلاک کرکے عوام کو تکلیف پہنچا رہی ہے،وفاق اور پنجاب حکومت نے بوکھلاہٹ میں موٹر وے اور شاہرائیں بند کر دی ہیں ۔انہوں نے کہا کہ گزشتہ احتجاج میں بھی راستے بند ہونے کے باوجود ہم اسلام آباد پہنچے تھے اس بار بھی پہنچیں گے۔ ایک سوال پر انہوں نے کہا کہ حکومت سے مذاکرات کا آغاز بانی پی ٹی آئی کی رہائی کے بعد ہو گا۔
