رہنماء پی ٹی آئی اسد قیصر نے کہا ہے کہ 26ویں آئینی ترمیم کیلئے اربوں روپے بانٹے گئے، ہمارے ارکان کو بلیک میل کیا گیا،ادارے اپنے دائرہ کار میں رہ کرکام کریں، امن کیلئے پالیسی پارلیمان میں پیش کی جائے۔ صوابی میں کارکنوں سے گفتگو کرتے ہوئے سابق سپیکر قومی اسمبلی اسد قیصر نے کہا کہ 26ویں آئینی ترمیم غیر منتخب پارلیمان سے منظور کرائی گئی، اس پاس کرانے کیلئے ہمارے ارکان کو بلیک میل کیا گیا اور اربوں روپے بانٹے گئے۔ انہوں نے کہا کہ کسی ملک کی جنگ میں حصہ دار نہیں بننا چاہتے، تمام ادارے اپنے اپنے دائرے میں کام کریں۔ نہوں نے کہا کہ ہم دنیا کے ساتھ امن میں اپنا حق ادا کرنا چاہتے ہیں، امن کیلئے جو بھی حکومتی پالیسی ہے اسے پارلیمان میں پیش کیا جائے۔
