لاہور: گورنمنٹ کالج یونیورسٹی لاہور نے طلباء وطالبات کیلئے نیا ڈریس کوڈ جاری کرتے ہوئے جینز اور ٹی شرٹ پہننے پر پابندی عائد کردی۔ تفصیلات کے مطابق گورنمنٹ کالج یونیورسٹی نے طلباء وطالبات کیلئے نیا ڈریس کوڈ جاری کردیا ہے۔
جاری نوٹیفکیشن کے مطابق لڑکے اور لڑکیاں جینز اور ٹی شرٹ نہیں پہن سکیں گے۔لڑکے صرف ڈریس شرٹ، پینٹ اور جوتے پہنیں گے جبکہ لڑکیاں دوپٹے کے ساتھ ڈیسنٹ لباس پہن کر آئیں گی۔نوٹیفکیشن کے مطابق ہر طالب علم اپنا کالج اور یونیورسٹی کارڈ لازمی پہنے گا، ڈریس کوڈ کی خلاف ورزی پر جرمانہ عائد کیا جائے گا۔
