بیجنگ (شِنہوا) چین نے کہا ہے کہ وہ گرین لینڈ سے متعلق بے بنیاد الزامات لگانے اور اس ملک کو ذاتی مفادات کے حصول کے لئے بہانے کے طور پر استعمال کرنے کے عمل کی مخالفت کرتا ہے۔
وزارت خارجہ کے ترجمان گو جیاکن نے معمول کی پریس بریفنگ کے دوران کہا کہ چین ہمیشہ اس بات پر یقین رکھتا ہے کہ ممالک کے درمیان تعلقات استوار کرتے وقت اقوام متحدہ کے چارٹر کے مقاصد اور اصولوں کی پاسداری کی جانی چاہیے۔
امریکی صدر ڈونلڈ ٹرمپ نے بدھ کے روز کہا تھا کہ نیٹو کے سیکرٹری جنرل مارک روٹے کے ساتھ بات چیت کے نتیجے میں گرین لینڈ اور وسیع تر آرکٹک خطے کے حوالے سے مستقبل کے معاہدے کا فریم ورک تیار کر لیا گیا ہے۔
رپورٹس کے مطابق نیٹو کے ایک ترجمان نے کہا کہ ڈنمارک، گرین لینڈ اور امریکہ کے درمیان مذاکرات کا مقصد اس بات کو یقینی بنانا ہے کہ روس اور چین کبھی بھی معاشی یا فوجی طور پر گرین لینڈ میں قدم نہ جما سکیں۔
گو نے کہا کہ نام نہاد چین کا خطرہ بے بنیاد ہے۔
