چین کی وزارت تجارت نے کہا ہے کہ یورپی یونین (ای یو) سے آنے والی بعض درآمدات پر اس کے عارضی اینٹی ڈمپنگ اقدامات عالمی تجارتی تنظیم (ڈبلیو ٹی او) کے قوانین کے مطابق ہیں-(شِنہوا)
بیجنگ(شِنہوا)چین کی وزارت تجارت نے بدھ کے روز جاپان اور بھارت سے آرتھو ڈائی کلورو بینزین (او ڈی سی بی) کی درآمدات پر اینٹی ڈمپنگ ڈیوٹی میں 5 سال کی توسیع کے فیصلے کا اعلان کیا ہے جس کا اطلاق 23 جنوری 2025 سے ہوگیا۔
یہ فیصلہ چین کی او ڈی سی بی صنعت کی درخواست پر جنوری 2024 میں شروع کئے گئے جائزے کے بعد کیا گیا ہے۔ جائزے میں یہ نتیجہ اخذ کیا گیا ہے کہ اگر اینٹی ڈمپنگ اقدامات کو ختم کر دیا جاتا ہے تو ملکی صنعت کو نقصان پہنچنے کا احتمال ہے۔
توسیع شدہ اقدامات کے تحت ڈیوٹی کی شرح 2019 میں قائم کردہ شرح سے تبدیل نہیں ہوگی۔ جاپانی کمپنیوں کو 70.4 فیصد اینٹی ڈمپنگ ڈیوٹی کا سامنا کرنا پڑے گا جبکہ تمام بھارتی کمپنیوں پر 31.9 فیصد ڈیوٹی عائد ہوگی۔
درآمد کنندگان کو جاپان اور بھارت سے او ڈی سی بی درآمد کرتے وقت چینی کسٹمز کو اینٹی ڈمپنگ ڈیوٹی ادا کرنے کی ضرورت ہوتی ہے۔ ڈیوٹی کا حساب کسٹمز کی جانب سے تشخیص شدہ درآمدی قیمت کی بنیاد پر کیا جاتا ہے۔
او ڈی سی بی ایک کیمیکل ہے جو کیڑے مار ادویات، دیگر ادویات اور رنگ سمیت وسیع پیمانے پر مختلف ایپلی کیشنز میں استعمال ہوتا ہے۔
