بانی پی ٹی آئی عمران خان کی بہن اور پارٹی رہنماء علیمہ خان نے کہا ہے کہ پاکستان میں انصاف اب ختم ہو چکا ہے اچھے ججز بھی ہیں لیکن عدلیہ میں لیکن انکی نہیں سنی جاتی، عمران خان اور بشری بی بی کو توشہ خانہ کیس پر 17سال قید کی سزا سنائی گئی، مریم نواز نے جو گاڑی توشہ خانہ سے لی تھی اسکا وہ جواب نہیں دے پائی تھی اسکا کیا ہوا؟ قانون کا مذاق بنایا ہوا ہے۔
راولپنڈی کی انسداد دہشتگردی عدالت کے باہر اپنے وکیل فیصل ملک کے ہمراہ میڈیا سے گفتگو کرتے ہوئے علیمہ خان نے کہا بانی نے گزشتہ سال 22 نومبر کو پرامن احتجاج کی کال دی تھی، میرے اوپر الزام ہے میں نے بانی کا پیغام عوام تک پہنچایا، ہمارے خلاف پولیس والوں کو لاکر گواہی کیلئے کھڑا کیا جاتا ہے، ہمارے خلاف جھوٹی گواہی دینے والوں کو بھی سزا ہونی چاہئے، بانی نے ہمیشہ رول آف لا کی بات کی ہے جو جج رول آف لا کی بات کرتا ہے اسے دبایا جاتا ہے، سب کو پتا ہے کیا ہورہا ہے، بانی نے پرسوں بھی پیغام بھیجا وہ قوم کیلئے شہادت قبول کرینگے، وہ اڑھائی سال سے جیل میں بیٹھے ہیں، بانی نے ہمیشہ کہا وہ اپنے کیسز کا سامنا کرینگے انکو ملک سے جانے کی پیشکش بھی آتی رہیں، جو ججز غلط سزائیں دے رہے ہیں وہ جہاز پکڑ کے ملک سے باہر جاتے ہیں ہم انکے نام یاد رکھیں گے، انکا کہنا تھا اے ٹی سی کے جج بھی لگتا ہے کسی پلان کے تحت چل رہے ہیں، ہم میڈیا کے لوگوں کو اپنے گواہ کے طور پر پیش کرینگے، بانی کو ہم نے 11 کتابیں بھیجی تھی جج نے کہا 9 انہیں مل چکی ہیں، بانی نے سٹریٹ موومنٹ کیلئے کے پی لیڈر شپ کو پیغام بھیجا ہے، تحریک تحفظ آئین کی کانفرنس کے اعلامیہ کے بارے میں مجھے علم نہیں، بانی پی ٹی آئی 90فیصد لوگوں کی نمائندگی کررہے ہیں جو لوگ کہہ رہے ہیں مذاکرات کئے جائیں وہ بانی کے موقف کیساتھ نہیں، جو لیڈر مذاکرات کی بات کرتے ہیں وہ بانی پی ٹی آئی کے ساتھی نہیں۔
