چیئرمین پیپلز پارٹی بلاول بھٹو زرداری نے کہا ہے کہ پاکستان عالمی سطح پر منفرد مقام بنا چکا، خود مختاری کی حفاظت کرنا جانتا ہے۔
کیڈٹ کالج پٹارو میں یوم والدین کی تقریب سے خطاب کرتے ہوئے بلاول بھٹو نے کہا کہ کیڈٹ کالج پٹارو بہترین ادارہ ہے، نوجوانوں کی کردار سازی میں کیڈٹ کالج پٹارو کا اہم کردار ہے۔
انہوں نے کہا کہ کیڈٹ کالج کا ڈسپلن سزا نہیں بلکہ آزادی ہے، نوجوان ہمارا مستقبل ہیں اور تعلیم کے معیار کو بہتر بنانا ہماری ترجیح ہے۔
انہوں نے کہا کہ ٹیلنٹ کے بہترین استعمال سے ہی ترقی ممکن ہے، سندھ ہمیشہ سے پاکستان کیساتھ دل کی طرح رہا ہے، جب قوم آواز دے تو آپ کو ہمت کیساتھ جواب دینا ہوگا۔
انہوں نے کہا کہ مسلح افواج ملک کی حفاظت کیلئے دن رات کوشاں ہیں، ہماری آرمڈ فورسز نے دوبارہ ثابت کیا کہ ہماری سرحدیں محفوظ ہیں۔
انہوں نے کہا کہ ہمعالمی سطح پر اپنا منفرد مقام بنا چکے ہیں، پاکستان اپنی خود مختاری کی حفاظت کرنا جانتا ہے۔
