پاکستان کرکٹ بورڈ (پی سی بی) کے چیئرمین محسن نقوی نے انڈر 19 ایشیاء کپ کے فائنل میں روایتی حریف بھارت کو دھول چٹانے والی عالمی چیمپئین پاکستان کی انڈر 19 کی فاتح ٹیم کے ہر کھلاڑی کو 50 لاکھ روپے انعام دینے کا اعلان کیا ہے۔
انہوں نے فائنل میں روایتی حریف بھارت کو شکست دینے کے بعد فاتح کھلاڑیوں سے ملاقات کی اور انکی شاندار کارکردگی کو سراہا، محسن نقوی نے کہا کہ یہ کامیابی ٹیم کی بہترین حکمت عملی اور ایک غیر معمولی ٹیم ورک کا نتیجہ ہے، سمیر منہاس کی بیٹنگ خاص طور پر قابل تعریف رہی، بیٹنگ، بولنگ اور فیلڈنگ میں کھلاڑیوں کی عمدہ کارکردگی نے ہمیں فتح دلائی۔
چیئرمین پی سی بی نے کہا یہ فتح شائقین کرکٹ کیلئے خوشی اور فخر کا لمحہ ہے، پی سی بی کی رائزنگ سٹارز پروگرام میں کی جانیوالی سرمایہ کاری کا نتیجہ آج شاندار جیت کی صورت میں سامنے آیا جو قابل تحسین ہے۔
