صدر ایشین کرکٹ کونسل محسن نقوی کی زیر صدارت کونسل کے ہیڈ کوارٹر میں خصوصی اجلاس ہوا جس میں ایشیاء کپ انڈر 19 ٹورنامنٹ کیلئے بہترین انتظامات پر اے سی سی سے اظہار تشکر کیا گیا جبکہ محسن نقوی نے ایشیاء کپ کے کامیاب انعقاد پر اے سی سی کی پوری ٹیم کو مبارکباد کی مستحق قرار دیا ہے، اجلاس میں اے سی سی کا کرکٹ کے فروغ کیلئے سٹیٹ آف دی آرٹ ہائی پرفارمنس سنٹرز بنانے کا فیصلہ کیا گیا اور جدید ہائی پرفارمنس سنٹرز کے قیام کی بھی منظوری دی گئی۔
محسن نقوی نے کہا کہ ہائی پرفارمنس سنٹرز کی سہولت نہ رکھنے والے ایشیائی ممالک کرکٹ کی ماڈرن سہولت سے ترجیحی طور پر استفادہ کر سکیں گے، اے سی سی کے ہائی پرفارمنس سنٹرز کا دائرہ کار بتدریج بڑھایا جائیگا۔
اجلاس میں صدر بنگلہ دیش کرکٹ بورڈ امین السلام، چئیرمین افغانستان کرکٹ بورڈ میرویس اشرف، جنرل سیکرٹری ایمریٹس کرکٹ بورڈ مبشر عثمانی، اے سی سی کے تھوسٹ پریرا اور دیگر حکام نے شرکت کی۔
