صدر آصف علی زرداری نے بغداد میں زیاراتِ مقدسہ پر حاضری دی اور فاتحہ خوانی کی۔
ذرائع کے مطابق دورہ عراق کے دوران صدر آصف زرداری نے بغداد میں حضرت شیخ عبدالقادر جیلانی، کاظمیہ مقدسہ میں امامِ موسی الکاظم اور امامِ محمد التقی الجواد کے روضوں پر حاضری دی اور فاتحہ خوانی کی۔
صدر مملکت نے روضہ کاظمیہ میں امت مسلمہ کیلئے امن، اتحاد اور سلامتی کی دعا کی۔
بعد ازاں انہوں نے زائرین کی کتاب میں اپنے تاثرات قلمبند کیے۔ علاوہ ازیں صدر زرداری نے امامِ اعظم ابو حنیفہ کے مزار پر بھی حاضری دی۔
صدر مملکت نے تمام مزارات کے منتظمین اور مبلغین سے ملاقت میں آئمہ اہل بیت کی تعلیمات کو علم، صبر، حکمت اور اخلاقی قوت کا دائمی سرچشمہ قرار دیا۔
