محکمہ پاسپورٹس نے درخواستوں، پرنٹنگ اور کارکردگی مانیٹرنگ کا نیا نظام متعارف کرواتے ہوئے ہیڈکوارٹرز میں خصوصی 24/7 مانیٹرنگ روم قائم کر دیا۔
ڈی جی پاسپورٹس مصطفی جمال قاضی کے مطابق ڈیجیٹل اینٹگریٹڈ ڈیش بورڈ سے ڈیلی آپریشنز کی مانیٹرنگ اور ایولیوشن ہوگی۔
نئے سسٹم کے تحت پاکستان و دنیا بھر میں پاسپورٹ درخواستوں اور ڈیلیوری کی ریئل ٹائم مانیٹرنگ کی جا سکے گی، نئے مانیٹرنگ سسٹم کے تحت پاسپورٹ دفاتر میں رش کی بھی خودکار نشاندہی کی جا سکے گی جبکہ جدید مانیٹرنگ سسٹم سے سٹاف کی کارکردگی اور پاسپورٹ پرنٹنگ کا عمل مانیٹر کیا جائے گا، نیٹ ورک مینجمنٹ سسٹم کے تحت بیک لاگ اور مشینری اسٹیٹس بھی معلوم کیا جاسکے گا۔
ڈی جی پاسپورٹس مصطفی جمال قاضی کے مطابق مانیٹرنگ کے جدید نظام کے ذریعے محکمہ پاسپورٹس کی کارکردگی کو مزید بہتر بنایا جائے گا، افسران و عملہ کی کارکردگی سے لیکر تمام دفاتر میں شہریوں کا رش بھی مانیٹر ہوگا۔
ذرائع کے مطابق نشاندہی کے بعد مسائل کو فی الفور حل کرنے کا نظام بھی متعارف کروایا گیا ہے۔
