چیف آف ڈیفنس فورسز فیلڈ مارشل سید عاصم منیر کو سعودی عرب کے اعلی ترین قومی اعزاز سے نواز دیا گیا۔
آئی ایس پی آر کے مطابق چیف آف ڈیفنس فورسز، فیلڈ مارشل سید عاصم منیر، نشانِ امتیاز (ملٹری)، ہلالِ جرات نے سعودی عرب کا سرکاری دورہ کیا اس دوران فیلڈ مارشل نے وزیر دفاع شہزادہ خالد بن سلمان بن عبدالعزیز آل سعود سے ملاقات کی جس میں علاقائی سلامتی کی صورتحال، دفاعی و عسکری تعاون، سٹریٹجک اشتراکِ عمل اور بدلتے ہوئے جغرافیائی چیلنجز سمیت باہمی دلچسپی کے امور پر تفصیلی تبادلہ خیال کیا گیا۔
دورے کے دوران خادم الحرمین شریفین شاہ سلمان بن عبدالعزیز آل سعود کے فرمان کے تحت فیلڈ مارشل سید عاصم منیر کو مملکت سعودی عرب کا اعلی ترین قومی اعزاز کنگ عبدالعزیز میڈل آف ایکسی لینس عطاء کیا گیا۔
