چیمپئینز ٹرافی کے انعقاد میں 90 دن سے بھی کم وقت باقی رہ گیا، ٹورنامنٹ کا شیڈول فائنل نہ ہوسکا،چیمپئینز ٹرافی پر بھارتی ڈھٹائی سے انٹرنیشنل کرکٹ کونسل(آئی سی سی)پریشان ہو گئی۔
تفصیلات کے مطابق پاکستان میں فروری مارچ میں شیڈول چیمپئینز ٹرافی کے انعقاد میں تین ماہ سے بھی کم وقت باقی رہ گیا،اصولی طور پر اب تک شیڈول سامنے آجانا چاہیے تھا مگر ایسا نہیں ہوسکا، شائقین اور ٹیمیں سب ہی اندھیرے میں ہیں، حتمی تاریخوں کا علم ہے نہ ہی میزبان وینیوز کی تصدیق ہو رہی ہے،
خود پاکستان کرکٹ بورڈ(پی سی بی)کو بھی اس حوالے سے کوئی علم نہیں ہے۔ پاکستان ٹیم بھیجنے کے حوالے سے بھارتی ڈھٹائی کے باعث ٹورنامنٹ کا شیڈول فائنل ابھی تک فائنل نہیں ہوسکا۔۔بھارت کے اس رویے پر انٹرنیشنل کرکٹ کونسل(آئی سی سی) پریشان ہے۔ اب ٹورنامنٹ کا شیڈول اگلے ہفتے تک جاتا دکھائی دے رہا ہے۔
آئی سی سی کی جانب سے اس معاملے پر کوئی رابطہ ہی نہیں کیا جارہا، کونسل کے ذرائع کا کہنا ہے کہ ہم چیمپئنز ٹرافی شیڈول کے حوالے سے میزبان اور شریک ممالک کے ساتھ بدستور گفت و شنید میں مصروف ہیں۔ پی سی بی اس بار سخت موقف اختیار کرتے ہوئے کسی بھی صورت میں اپنی میزبانی سے پیچھے ہٹنے یا ہائبرڈ ماڈل اختیار کرنے سے انکار کرچکا ہے۔
