چین کے وسطی صوبہ ہونان کی پھنگ جیانگ کاؤنٹی میں صوبہ ہو نان جیولوجیکل ڈیزاسٹرسروے اینڈ مانیٹرنگ انسٹی ٹیوٹ کے ماہرین وان گو سونے کی کان سے نکلنے والے چٹان کے نمونوں کی جانچ کررہے ہیں۔(شِنہوا)
چھانگ شا (شِنہوا) چین کے وسطی صوبہ ہونان کے محکمہ ارضیات نے کہا ہے کہ وسطی صوبے ہونان میں سونے کا ایک بڑا ذخیرہ دریافت ہوا ہے جس کا تخمینہ ایک ہزار ٹن سے زائد لگایا گیا ہے۔
محکمے کے مطابق ماہرین ارضیات نے پھنگ جیانگ کاؤنٹی میں وان گو سونے کی کان میں 2 ہزار میٹر گہرائی میں سونے کی 40 سے زائد کانوں کی تلاش کی گئی ہے جن میں 300 ٹن سونے کا ذخیرہ موجود ہے۔
سونے کے ذخائر کے مقام پر 3 ہزار میٹر کی گہرائی میں ذخائر کا تخمینہ 1 ہزار ٹن سے زائد لگایا ہے جس کی مالیت 600 ارب یوآن (تقریباً 83 ارب امریکی ڈالر) ہے۔
صوبہ ہونان کے جیولوجیکل ڈیزاسٹر سروے اینڈ مانیٹرنگ انسٹی ٹیوٹ سے وابستہ ماہر چھن رولین کا کہنا ہے کہ 2 ہزار میٹر کی حدود میں ایک ٹن خام دھات میں زیادہ سے زیادہ 138 گرام سونا موجود ہے۔
محکمے کے نائب سربراہ لیو یونگ جون کا کہنا ہے کہ وان گو سونے کی کان میں خام دھات کی تلاش کی تھری ڈی ارضیاتی ماڈلنگ جیسی نئی ٹیکنالوجیز کو استعمال کیا گیا ہے۔
لیو نے کہا کہ اس مقام کے مضافاتی علاقوں کے آس پاس کھدائی کے دوران سونا تلاش کیا گیا ہے جو امید افزا امکانات ہیں۔
