بانی پی ٹی آئی سے جیل میں ملاقات سے متعلق تمام کیسز پر جمعرات کو لارجر بینچ میں سماعت ہو گی۔
اسلام آباد ہائی کورٹ کے چیف جسٹس سرفراز ڈوگر، جسٹس ارباب محمد طاہر اور جسٹس اعظم خان لارجر بینچ میں شامل ہیں۔ وزیر اعلی خیبرپختونخوا سہیل آفریدی کی بانی سے ملاقات،عدالتی حکم کے باوجود بانی سے ملاقات نہ کروانے پر توہین عدالت کیس کی سماعت جمعرات کو لارجر بینچ میں سماعت کے لیے مقرر ہو گئی۔
قیدی عرفان کی بانی پی ٹی آئی جیسی جیل سہولیات فراہم کرنے کی درخواست بھی جمعرات کو لارجر بینچ میں سماعت کے لیے مقرر کی گئی ہے۔
جیل ملاقات، جیل رولز اور ایس او پیز سے متعلق بھی درخواستیں اور سپرنٹنڈنٹ اڈیالہ جیل، پنجاب حکومت کے جیل ملاقات سے متعلق کیسز بھی جمعرات کو لارجر بینچ میں سماعت کے لیے مقرر ہو گئے ہیں۔
واضح رہے کہ شبلی فراز، علیمہ خان، سلمان اکرم راجہ و دیگر نے ملاقات نہ کروانے پر توہین عدالت کی درخواستیں دائر کر رکھی ہیں۔
