واشنگٹن: امریکہ میں مقیم بھارتی ڈاکٹر کو خواتین، بچوں کی نازیبا ویڈیوز بنانے پر گرفتار کرلیا گیا۔ غیر ملکی میڈیا کے مطابق امریکی ریاست مشی گن میں رہائش پذیر 40 سالہ بھارتی ڈاکٹر عمیر اعجاز کو کئی سال سے خواتین اور بچوں کی نازیبا ویڈیوز، تصاویر بنانے اور خواتین سے جنسی زیادتی کے جرم میں گرفتار کر لیا گیا۔
آکلینڈ کے کاؤنٹی شیرف نے بتایا ہے کہ بھارتی ڈاکٹر کو 8 اگست کو اپنے ہسپتال کے کمروں،باتھ روم اور گھر کے مختلف مقامات پر خفیہ کیمرے لگانے کے جرم میں گرفتار کیا گیا ہے۔
انہوں نے بتایا کہ بھارتی ڈاکٹر کو اہلیہ کی جانب سے اطلاع اور شواہد فراہم کرنے پر گرفتار کیا گیا ہے وہ خفیہ کیمروں کی مدد سے خواتین، بچوں کی نازیبا ویڈیو بنانا تھا۔انہوں نے بتایا کہ دوران تفتیش پولیس نے مجرم کے کمپیوٹر اور موبائل سے بچوں اور خواتین کی ہزاروں نازیبا ویڈیوز برآمد کی ہیں۔
