وزیراعلیٰ پنجاب مریم نواز شریف سے جمہوریہ ماریشس کے ہائی کمشنر منسو کرمباکس نے ملاقات کی ہے جس میں بزنس ٹو بزنس روابط، تجارتی وفود اور نمائشوں کے انعقاد کی اہمیت پر زور دیا گیا، وزیراعلیٰ نے ماریشس کیساتھ تجارتی اور معاشی تعاون کو مضبوط کرنے کے عزم کا اظہار کیا اور تعلیم، سیاحت، زراعت اور عوامی تبادلوں کے شعبوں میں تعلقات مزید بڑھانے پر اتفاق کیا، فریقین نے حلال فوڈ، ٹیکنالوجی اور ہیومن ریسورس کے شعبوں میں تعاون بڑھانے پر بھی اتفاق کیا۔
وزیراعلیٰ مریم نواز نے بلیو اکانومی کے شعبے میں سرمایہ کاری پر ہرممکن تعاون کے عزم کا اظہار کیا کہ ماریشس کیلئے چاول، ٹیکسٹائل اور فارماسیوٹیکل مصنوعات کی برآمدات مزید بڑھانے کیلئے پرعزم ہیں، مریم نواز نے منسوکرمباکس کی نوجوانوں کی ترقی اور منشیات کیخلاف انتھک کاوشوں کو سراہا۔
