بھارتی پروڈیوسر کرن جوہر نے دھرما پروڈکشن کے شیئرز1ہزار کروڑ روپے میں فروخت کردیئے۔بھارتی میڈیا کے مطابق کرن جوہر کے دھرما پروڈکشن کے 50فیصد حصص سیرین انٹرٹینمنٹ کے مالک آدار پوناوالا نے ایک ہزار کروڑ بھارتی روپے میں حاصل کرلئے ہیں۔سیرین انٹرٹینمنٹ نے نصف شیئرز حاصل کرنے کے بعد دھرما پروڈکشن کو کرن جوہر کی قیادت میں ہی برقرار رکھنے کا فیصلہ کیا ہے۔ دھرما پروڈکشن کی بنیاد یش جوہر نے 1976ء میں رکھی تھی، 2003ء میں ان کے انتقال کے بیٹے کرن جوہر نے ادارے کی باگ ڈور سنبھالی۔دھرما پروڈکشن نے گزشتہ چار دہائیوں میں کئی سپر ہٹ فلمیں دی ہیں، جن میں کچھ کچھ ہوتا ہے، کبھی خوشی کبھی غم، مائی نیم اِز خان، سٹوڈنٹ آف دی ایئر ودیگر شامل ہیں۔واضح رہے کہ دھرما پروڈکشن کے حصص خریدنے میں ریلائنس انڈسٹری کے مالک مکیش امبانی اور انٹرٹینمنٹ کمپنی سارے گاما بھی دلچسپی رکھتی تھی۔
