بیجنگ: چین نے واضح کیا ہے کہ جاپان کے ساتھ فوکوشیما کے جوہری آلودہ پانی کے سمندری اخراج سے متعلق دو طرفہ معاہدے کا شین ژین میں ہونے والے انفرادی معاملے سے کوئی تعلق نہیں ہے۔
چینی وزارت خارجہ نے گزشتہ روز دونوں ممالک کے درمیان فوکوشیما کے جوہری آلودہ پانی کے سمندری اخراج سے متعلق طے پانے والے معاہدے کی تفصیلات جاری کیں۔
وزارت خارجہ کی ترجمان ماو ننگ نے پریس بریفنگ میں اس سے متعلقہ ایک سوال کے جواب میں بتایا کہ چین اور جاپان کے درمیان دوطرفہ معاہدے کی تفصیلات اور اجرا کے وقت کا تعین دونوں ممالک کے درمیان تفصیلی مشاورت کے ذریعے کیا گیا ہے۔
ترجمان نے کہاکہ شین ژین میں ایک لڑکے سے ہونے والی چاقو زنی کی انفرادی واردات کے بارے میں ہم نے بارہا اپنا موقف بیان کیا ہے کہ دونوں کا آپس میں کوئی تعلق نہیں ہے۔
