راولپنڈی: بانی پی ٹی آئی عمران خان نے فیض حمید کے اوپن ٹرائل کورٹ کا مطالبہ کرتے ہوئے کہا ہے کہ جنرل فیض ریٹائرمنٹ کے بعد زیرو ہوگیا تھا مجھے کیا فائدہ دیتا جو رابطہ رکھتا،میرے ملٹری ٹرائل سے پاکستان کا امیج خراب ہوگا۔
تفصیلات کے مطابق اڈیالہ جیل میں صحافیوں سے غیر رسمی گفتگو کرتے ہوئے بانی پی ٹی آئی عمران خان نے کہا کہ جنرل فیض اور میرا معاملہ فوج کا انٹرنل مسئلہ نہیں، میں سول سابق وزیراعظم ہوں مجھے ملٹری کورٹ میں لے جانے سے پاکستان کا امیج خراب ہوگا۔
انہوں نے کہا کہ جنرل (ر) فیض ریٹائرمنٹ کے بعد زیرو ہوگیا مجھے کیا فائدہ دے گا کہ اس سے رابطہ رکھوں۔انہوں نے کہا کہ 9 مئی معاملہ نیشنل سیکیورٹی نہیں لوکل ایشو ہے، اگر 9 مئی سازش کا مرکزی کردار جنرل (ر) فیض ہے تو آرمی چیف سے مطالبہ ہے کہ ان کا ٹرائل اوپن کورٹ میں کیا جائے گا۔
