کوئٹہ: لورالائی میں گانگو وائرس کا ایک مریض سامنے آنے کے بعد صوبے میں مریضوں کی تعداد 22 ہوگئی۔ تفصیلات کے مطابق بلوچستان کے علاقے لورالائی سے تعلق رکھنے والے 33 سالہ شخص سراج الدین کو ناک منہ سے خون آنے پر فاطمہ جناح ہسپتال لایا گیا جہاں اس کے ٹیسٹ میں کانگو وائرس کی تشخیص ہو گئی جس پر اسے مزید علاج معالجے کے لیے فاطمہ جناح انسٹیٹیوٹ آف چیسٹ ڈیزیزز کوئٹہ کے آئسولیشن وارڈ میں داخل کرا دیا گیا۔ہسپتال ذرائع کے مطابق رواں سال 22 افراد کو کانگو وائرس کے باعث داخل کیا گیا جن میں سے اب تک 5 افراد فوت جبکہ 17 علاج مکمل ہونے پر ڈسچارج ہوچکے ہیں اور اب ایک شخص زیر علاج ہے۔
