چکوال: گورنر پنجاب سردار سلیم حیدر نے پیپلز پارٹی کے چکوال اور جہلم کو آفت زدہ قرار دینے کے مطالبے کو جائز قرار دے دیا۔ چکوال میں میڈیا سے مختصر گفتگو کرتے ہوئے سردار سلیم حیدرنے کہا کہ چکوال میں ریکارڈ 450ملی میٹر بارش ہوئی جس سے بہت نقصان ہوا ہے انہوں نے کہا کہ بارشوں سے نقصانات کے ازالے کیلئے سروے کیا جارہا ہے۔
انہوں نے کہا کہ پیپلزپارٹی کا چکوال اور جہلم کو آفت زدہ قرار دینے کا مطالبہ جائز ہے، پنجاب حکومت سے بات کر کے چکوال کو آفت زدہ قرار دلوایا جائے گا۔انہوں نے کہا کہ بارش سے نقصان کا ازالہ پنجاب حکومت بھی کرے گی اور گورنر آفس بھی ۔انہوں نے کہا کہ عوام کو تنہاء نہیں چھوڑا جائے گا۔
