این سی سی آئی اے نے شہریوں کو خبر دار کیا ہے کہ صارفین کسی بھی پوسٹ، خبر یا لنک کو شیئر کرنے سے قبل اس کی تصدیق ضرور کریں، ایک غلط کلک یا غیر محتاط پوسٹ انہیں جیل پہنچا سکتی ہے۔
این سی سی آئی اے کی جانب سے جاری ایڈوائزری میں کہا گیا ہے کہ بغیر تحقیق مواد پھیلانا قانون کی خلاف ورزی کے زمرے میں آتا ہے، اعلی عدلیہ، مقتدر اداروں کیخلاف غیر مصدقہ معلومات یا جھوٹی خبریں پھیلانا سنگین قانونی جرم ہے۔
ایڈوائزری میں کہا گیا ہے کہ پیکا ایکٹ کے سیکشن 26Aکے تحت جھوٹی خبریں پھیلانے پر تین سال تک قید کی سزا ہو سکتی ہے جبکہ قانون کی خلاف ورزی کرنے والوں کو 20لاکھ روپے تک جرمانہ بھی ادا کرنا پڑ سکتا ہے۔
این سی سی آئی اے نے خبردار کیا ہے کہ صارفین کسی بھی پوسٹ، خبر یا لنک کو شیئر کرنے سے قبل اس کی تصدیق ضرور کریں، ایک غلط کلک انہیں جیل پہنچا سکتا ہے۔
ترجمان نے عوام کو ہدایت کی ہے کہ وہ نفرت انگیز مواد اور فیک نیوز سے مکمل طور پر دور رہیں اور سوشل میڈیا کا ذمہ دارانہ استعمال کریں۔
