انٹرپول نے کشتی حادثات میں ملوث15انسانی سمگلرز کیخلاف ریڈ نوٹسز جاری کردیئے۔ ذرائع کے مطابق ایف آئی اے انٹرپول نے نے لیبیا، یونان اور موریطانیہ میں روپوش، یونان، لیبیا اور مراکش کشتی حادثے میں ملوث 15انسانی سمگلرز کیخلاف ریڈ نوٹسز جاری کردیئے ۔حکام کے مطابق ٹیمیں ملزمان کی گرفتاری کیلئے ان ممالک میں جائیں گی۔
دوسری جانب ایف آئی اے نے کشتی واقعے کی تحقیقات کے دوران انسانی سمگلنگ میں ملوث ملزم انصر کو گوجرانوالہ سے گرفتار کر لیا، ملزم نے عامر نامی شہری کو سپین بھجوانے کیلئے 54لاکھ روپے لئے تھے جبکہ متاثرہ نوجوان عامر موریطانیہ کشتی واقعہ میں زندہ بچ گیا ہے۔علاوہ ازیںایف آئی اے نے کارروائی کرتے ہوئے فیصل آباد اور ساہیوال سے بھی تین انسانی سمگلرز کو گرفتار کرلیا ہے۔
