چین کے صدر شی جن پھنگ چینی مشرقی صوبہ ژے جیانگ کے شہر ووزین میں2024 عالمی انٹرنیٹ کانفرنس ووزین سربراہ اجلاس کو ویڈیو کے ذریعے مبارکباد دے رہے ہیں۔(شِنہوا)
بیجنگ (شِنہوا) چین کے صدر شی جن پھنگ نے چینی مشرقی صوبہ ژےجیانگ کے شہر ووزین میں 2024 عالمی انٹرنیٹ کانفرنس ووزین سربراہ اجلاس کے آغاز پرویڈیو کے ذریعے مبارکباد دی ہے۔
شی نے بدھ کےروز کہا کہ ٹیکنالوجی کا انقلاب اور صنعتی تبدیلی کی ایک نئی لہر تیزی سے آگے بڑھ رہی ہے۔ انہوں نے ڈیجیٹل، انٹرنیٹ پر مبنی اور سمارٹ ترقی کے رجحانات کو اپنانے کی ضرورت پر زور دیا۔
انہوں نے سائبر سپیس میں اختراعی، محفوظ اور جامع ترقی کو تیز کرنے اور مشترکہ طور پر ایک روشن ڈیجیٹل مستقبل کے لئے کوششیں کرنے پر زور دیا۔
شی نے کہا کہ چین دنیا کے تمام ممالک کے ساتھ مل کر اطلاعاتی انقلاب میں تاریخی اقدام اٹھانے اور سائبر سپیس میں مشترکہ مستقبل کی حامل کمیونٹی کی تعمیر کی خاطر کام کرنے کے لئے تیار ہے تاکہ انٹرنیٹ کو لوگوں اور دنیا کے لیے زیادہ مفید بنایا جا سکے۔
