ڈراما سیریل سانول یار پیا میں لبنی کا کردار ادا کرنے والی اداکارہ یسرہ عرفان کی کالے کوٹ میں تصاویر سوشل میڈیا پر وائرل ہو گئیں۔
یسرہ عرفان پاکستانی ڈراما انڈسٹری کی ایک ابھرتی ہوئی اداکارہ ہیں جنہوں نے معروف فنکاروں درِفشاں سلیم، احمد علی اکبر اور فیروز خان کے ساتھ اس کامیاب سیریل میں اہم کردار نبھایا۔
یسرہ عرفان ایک تعلیم یافتہ اور خوشحال گھرانے سے تعلق رکھتی ہیں۔ ان کے والد پیشے کے اعتبار سے وکیل ہیں، اور یسرہ نے انسٹاگرام پر اپنے والد کے ساتھ تصاویر بھی شیئر کی ہیں جن میں وہ وکیل کا یونیفارم پہنے نظر آتی ہیں، یہ تصاویر دیکھتے ہی دیکھتے سوشل میڈیا پر وائرل ہو گئیں۔
واضح رہے یسرہ نے اپنے فنی سفر کا آغاز تھیٹر سے کیا اور وہ آج بھی تھیٹر کے میدان میں سرگرم ہیں۔ وہ سرمد کھوسٹ، سیمی راحیل، ثانیہ ممتاز اور سلمان شاہد جیسے نامور فنکاروں کے ساتھ مختلف اسٹیج پرفارمنسز کر چکی ہیں۔
ٹیلی ویژن پر ان کے نمایاں کاموں میں شادی کارڈ، ہمراز، شدت اور سانول یار پیا شامل ہیں۔
اس کے علاوہ وہ ہدایتکار کاشف نثار کے ساتھ دل والی گلی میں جیسے ڈرامے میں بھی کام کرچکی ہیں۔
