پاکستانی فوجی اور افغان طالبان اہلکار طورخم بارڈر کراسنگ پوائنٹ پر الرٹ کھڑے ہیں۔(شِنہوا)
بیجنگ(شِنہوا)چینی وزارت خارجہ کے ترجمان گو جیاکن نے کہا ہے کہ چین پاکستان اور افغانستان کے درمیان جنگ بندی معاہدے کا خیرمقدم کرتا ہے۔
پیر کے روز اپنی معمول کی پریس بریفنگ میں ترجمان نے جنگ بندی معاہدے کے متعلق پوچھے گئے سوال کے جواب میں کہا کہ پاکستان اور افغانستان دونوں چین کے روایتی دوست ہمسائے ہیں اور ایسےہمسائےکبھی جدا نہیں ہوسکتے۔
انہوں نے کہا کہ چین دونوں ممالک کے درمیان طے پانے والےجنگ بندی معاہدےکا خیرمقدم کرتا ہے اور اس ضمن میں متعلقہ ممالک کی طرف سے کی جانے والی کوششوں کو سراہتا ہے۔
انہوں نے کہا کہ چین پاکستان اور افغانستان کے درمیان اختلافات کو مذاکرات اور مشاورت کے ذریعے حل کرنے، جامع اور دیرپا جنگ بندی، دونوں ممالک اور خطےکے امن اور استحکام کےمشترکہ تحفظ کے لئے کی جانے والی کوششوں کی مخلصانہ طور پر حمایت کرتا ہے۔
ترجمان نے کہا کہ چین پاکستان اور افغانستان کے تعلقات کی بہتری اور ان کو آگے بڑھانے میں تعمیری کردار جاری رکھنے کے لئے بین الاقوامی برادری کے ساتھ مل کر کام کرنے کا خواہاں ہے۔
