پشاور: وزیراعلی خیبرپختونخوا علی امین گنڈاپور نے کہا ہے کہ متاثرہ علاقوں میں بحالی اور امداد کے لیے3 ارب کے علاوہ مزید 2 ارب روپے جاری کیے گئے ہیں، جن جن کے گھر تباہ ہوئے ہیں، انہیں گھر بنا کر دیں گے، جن کے کاروبار متاثر ہوئے ہیں انہیں بھی بھرپور پیکیج دیا جائیگا، لائیو اسٹاک کے نقصانات کا بھی معاوضہ دیا جائیگا۔
ان خیالات کا اظہار انہوں نے صوبائی کابینہ اجلاس میں کیا ۔کابینہ اجلاس میں گفتگو کرتے ہوئے وزیراعلی کے پی نے کہا کہ پہلے مرحلے میں ریسکیو آپریشن مکمل ہوگیا ہے تاہم لاپتا افراد کی تلاش جاری ہے، شہدا کیاہلخانہ اور زخمیوں کو معاوضوں کی ادائیگی جاری ہے۔
انہوں نے کہا کہ سیلاب زدہ علاقوں میں املاک کے نقصانات کا ڈیٹا اکھٹا کیا جا رہا ہے، صوبائی حکومت اس پوزیشن میں ہے کہ متاثرہ لوگوں کو دوبارہ اپنے پاوں پرکھڑا کر سکے۔
اجلاس میں سیلاب میں شہید افراد کے درجات کی بلندی کے لیے دعا اور فاتحہ خوانی کی گئی جبکہ سیلاب سے ہونے والے نقصانات، ریلیف اور بحالی کی سرگرمیوں پر بھی تفصیلی بریفنگ دی گئی۔
