ایران کے پاس جوہری معاہدے کے لئے 10 سے 15 دن ہیں، امریکی صدر

واشنگٹن (شِنہوا) امریکی صدر ڈونلڈ ٹرمپ نے کہا ہے  کہ ایران کے پاس اپنے جوہری پروگرام سے متعلق معاہدے تک پہنچنے کے لئے 10 سے 15 دن ہیں ورنہ "بہت بری چیزیں” رونما ہوں گی۔

ٹرمپ نے ایئر فورس ون طیارے میں صحافیوں سے گفتگو کرتے ہوئے کہا کہ "میرا خیال ہے کہ یہ وقت کافی ہوگا۔”

ٹرمپ نے مزید کہا کہ یا تو ہم ایک معاہدہ کر لیں گے یا پھر ان کے لئے یہ بدقسمتی کی بات ہوگی۔

اس سے قبل جمعرات کو "بورڈ آف پیس” کے افتتاحی اجلاس میں خطاب کرتے ہوئے ٹرمپ نے کہا کہ امریکہ اور ایران کے درمیان جوہری مذاکرات کا نتیجہ آئندہ 10 دنوں میں طے ہو جائے گا۔ انہوں نے ایران کو "اس وقت ایک حساس معاملہ” قرار دیا۔