عدالت نے ثانیہ زہرا قتل کیس میں مقتولہ کے شوہر کو سزائے موت سنا دی۔
بدھ کو ایڈیشنل ڈسٹرکٹ اینڈ سیشن عدالت ملتان میں کیس کی سماعت ہوئی۔
عدالت نے جرم ثابت ہونے پر ثانیہ زہرا کے شوہر کو سزائے موت، ساس عذرا پروین اور دیور علی حیدر کو عمر قید اور 5 لاکھ روپے جرمانے کی سزا سنائی جبکہ 3 ملزمان کو بری کرنے کا حکم دے دیا۔
فیصلے کے بعد میڈیا سے گفتگو کرتے ہوئے مقتولہ کے والد اسد عباس شاہ نے کہا کہ میں اپنی بیٹی کیلئے اکیلا لڑتا رہا، آج انصاف اور عدلیہ کی جیت ہوئی ہے، آئندہ کوئی بھی کسی کی بچی کو قتل نہیں کرسکے گا۔
