قومی کرکٹ ٹیم کادورہ جنوبی افریقہ کے لیے اعلان آئندہ ہفتے کیے جانے کا امکان ہے،افریقہ کیخلاف سیریز کیلئے موجودہ قومی سکواڈ میں ردوبدل کیا جا سکتا ہے،دورہ آسٹریلیا میں اچھی کارکردگی کا مظاہرہ کرنے والے کھلاڑیوں کو ترجیحی بنیادوں پر منتخب کیا جائے گا،
بنیادی طور دونوں فارمیٹس کے لیے 18، 18 رکنی سکواڈ تشکیل دیئے جانے کا امکان ہے۔ وائٹ بال سیریز کے لیے فخر زمان کی واپسی ہو گی جبکہ ٹی 20 سیریز کے لیے صائم ایوب کی بھی ٹی 20 سکواڈ میں واپسی ہو گی اسی طرح ٹیسٹ سیریز کے لیے بابر اعظم، نسیم شاہ اور شاہین شاہ آفریدی کی واپسی ہو گی۔
فائنل سکواڈ کا اعلان سیریز سے قبل ہی کیا جائے گا تاکہ کھلاڑی کنڈیشنز سے ہم آہنگ ہو جائیں۔ یاد رہے پاکستان اور افریقہ کے درمیان 3 ون ڈے، 3 ٹی 20 اور 2 ٹیسٹ میچز پر مشتمل سیریز 10 دسمبر سے 7 جنوری تک کھیلی جائے گی۔
