اداکارہ مومنہ اقبال نے کہا ہے کہ آج کل کی عورتوں نے مردوں کو مرد رہنے نہیں دیا، خواتین کے ناز نخرے اٹھانے کے باعث اب مرد بھی ناراض عورتوں کی طرح رویہ اختیار کرتے ہیں اور اپنی اصل شخصیت برقرار نہیں رکھ پا رہے۔
ایک انٹرویو میں انہوں نے کہا کہ میں اپنے چھوٹے بہن بھائیوں کے ساتھ اچھا برتاو کرتی ہوں، میری بھائی بھی میرے ساتھ بہترین رویہ رکھتے ہی، میرے بھائی بہت محبت اور احترام سے میرا اور چھوٹی بہن کا خیال رکھتے ہیں، اسی وجہ سے انہیں لگتا ہے کہ شادی کے لیے کسی شخص کو پسند کرنا ان کے لیے بہت مشکل ہوگا۔
انہوں نے بتایا کہ کچھ دن قبل جب میں ڈپریشن کا شکار تھیں تو میرا چھوٹا بھائی میرے لیے گجرے لے کر آیا جس پر میں بہت خوش ہوئی۔ اداکارہ نے کہا کہ بھائیوں کے ساتھ میرا جذباتی رشتہ اتنا مضبوط ہے کہ اب وہ کسی ایسے شخص کو قبول نہیں کر پائیں گی جو جذباتی طور پر دستیاب نہ ہو۔
محبت کے بارے میں گفتگو کرتے ہوئے مومنہ اقبال نے کہا کہ انہیں زندگی میں ایک بار شدید محبت ہوئی تھی لیکن کچھ وجوہات کی بنا پر وہ رشتہ ختم ہوگیا، اب وہ دوبارہ محبت نہیں کرنا چاہتیں کیونکہ ان کے مطابق جب سامنے والا کمظرف ہو تو چیزیں ختم ہوجاتی ہیں۔
اداکارہ نے بتایا کہ جب انہیں محبت ہوئی تھی تو وہ سمجھتی تھیں کہ سامنے والا ان کا خیال رکھے گا، لیکن جب اسی شخص نے ان کے خواب توڑ دیے تو انہیں یقین ہوگیا کہ محبت نام کی کوئی چیز نہیں ہوتی، اب وہ یہ ماننے لگی ہیں کہ کوئی بھی شخص کسی کا محافظ نہیں ہوتا۔
