نئی دہلی : بھارت میں نافرمان بیٹے نے پاؤں کے مساج سے انکار پر بوڑھے والد کو تشدد کا نشانہ بنا کر قتل کردیا۔ بھارتی میڈیا کے مطابق ریاست مہاراشٹرا کے شہر ناگپور میں 33 سالہ کشال شندے نے پاؤں کا مساج کرنے سے انکار پر 62 سالہ والد دتاتریا شندے کو بہیمانہ تشدد کا نشانہ بناکر قتل کر دیا۔
پولیس کے مطابق گھر موجود کشال شندے کے بڑے بھائی نے والد کو بچانے کی کوشش کی تاہم کامیاب نہ ہوسکا۔ پولیس کے مطابق ملزم نے والد کو سینے اور پیٹ پر مکے اور لاتیں ماریں جس سے ان کی پسلیاں ٹوٹ گئیں اور ان کے سر پر بھی شدید چوٹیں آئیں۔ پولیس نے بتایا ہے کہ ملزم کو گرفتار کر کے قانونی کارروائی شروع کر دی ہے۔
