بی وائی ڈی آٹو کی ایگزیکٹو نائب صدر سٹیلا لی نے کہا کہ یہ کامیابی دنیا بھر میں صارفین کو پائیدار ٹیکنالوجیز اور غیر معمولی خدمات فراہم کرنے کے ہمارے عزم کی عکاسی کرتی ہے۔ انہوں نےمزید کہا کہ ہم بی وائی ڈی میں ماحول دوست نقل و حرکت کو تیز کرنے اور زمین کو 1 ڈگری سینٹی گریڈ تک ٹھنڈا رکھنے کی عالمی کوششوں میں حصہ ڈالنے کے لئے پرعزم ہیں۔
بی وائی ڈی سیگل / ڈولفن منی کا انتخاب دنیا بھر کی 12 بہترین گاڑیوں کی فہرست میں سے کیا گیا۔
جنوری 2004 میں شروع ہونے والے سالانہ ورلڈ کار ایوارڈز میں 6 زمروں میں بہترین کارکردگی کا اعتراف کیا جاتا ہے جن میں ورلڈ کار ڈیزائن، ورلڈ لگژری کار، ورلڈ پرفارمنس کار، ورلڈ اربن کار، ورلڈ الیکٹرک وہیکل اور ورلڈ کار آف دی ایئر شامل ہیں۔
رواں برس جنوری میں سٹیلا لی کو 2025 کا ورلڈ کار پرسن آف دی ایئر قرار دیا گیا تھا۔ یہ پہلا موقع ہے جب کسی خاتون کو یہ اعزاز دیا گیا ہے اور یہ کسی چینی برانڈ کے لئے پہلا ورلڈ کار ایوارڈ ہے۔
نیویارک انٹرنیشنل آٹو شو 2025 کا آغاز بدھ کے روز نیو یارک سٹی کے جیوٹس سنٹر میں ہوا جو عوام کے لئے 18 سے 27 اپریل تک جاری رہے گا۔
