راولپنڈی ہولی فیملی ہسپتال میں سیکیورٹی گارڈ کے مبینہ تشدد سے نوجوان جاں بحق ہوگیا، پولیس نے ملزم گرفتار کرکے مقدمہ درج کرلیا۔
تھانہ نیو ٹائون میں درج کرائی گئی ایف آئی آر کے متن میں کہا گیا ہے کہ نوجوان اپنی والدہ کو میڈیکل چیک اپ کیلئے ہسپتال لایا، واپسی پر ہسپتال کی پارکنگ میں تنازع پیش آیا۔
سیکیورٹی گارڈ نے نوجوان کو مکے اور لاتیں ماریں، نوجوان محمد وقار تشدد کے بعد دل کا دورہ پڑنے سے انتقال کر گیا۔
پولیس نے مقدمہ درج کر کے ملزم کو گرفتار کرلیا۔
حکام کے مطابق ملزم کیخلاف قانونی کارروائی شروع کردی گئی ہے۔
