سعودی عرب نے اسرائیل کی شمالی غزہ کے علاقے بیت لاھیا میں ابو عاصی سکول پر بمباری کی شدید مذمت کرتے ہوئے کہا ہے کہ عالمی برادری نہتے فلسطینیوں کے قتل عام کی روک تھام کے لیے اپنا کردار ادا کریں۔
سعودی وزارت خارجہ کی طرف سے جاری بیان میں کہا گیا ہے کہ فلسطینی پناہ گزینوں کی ریلیف اینڈ ورکس ایجنسی کے زیراہتمام چلنے والے سکول ابو عاصی پر بمباری اور شہری آبادی کی تنصیبات کو نشانہ بنانے کی سخت ترین الفاظ میں مذمت کرتے ہیں۔
انہوں نے عالمی اداروں اور عالمی برادری پر زور دیا کہ وہ قابض اسرائیل کو شہریوں، امدادی اور انسانی ہمدردی کے اداروں کو مسلسل نشانہ بنانے کے حوالے سے دو ٹوک موقف اختیار کرے۔ خیال رہے کہ گذشتہ روز شمالی غزہ میں ابو عاصی سکول پر اسرائیلی فوج کی بمباری کے نتیجے میں 70 سے زیادہ فلسطینی شہید اور دسیوں زخمی ہوگئے تھے۔
