دیر بالا: دیربالا میں چترال جانیوالی گاڑی کھائی میں گرنے سے 3افراد جاں بحق، 2 زخمی ہوگئے۔ تفصیلات کے مطابق دیر بالا کے علاقے پناکوٹ کے مقام پر چترال جانے والی گاڑی گہری کھائی میں گرنے سے 3افراد جاں بحق اور 2زخمی ہوگئے۔پولیس کے مطابق سوزوکی میں سبزیاں چترال لے جائی جا رہی تھیں کہ راستے میں گاڑی حادثے کا شکار ہوگئی۔
ریسکیو حکام کی جانب سے لاشوں اور زخمیوں کوہسپتال منتقل کر دیا گیا۔دوسری جانب دیر بالا میں ہی نہاگ درہ سندرئی میں نامعلوم افراد نے رات کے وقت گاڑیوں پر پٹرول چھڑک کر آگ لگا دی جس کے باعث دو گاڑیاں جل کر خاکستر ہوگئیں،پولیس نے نامعلوم افراد کیخلاف مقدمہ درج کرکے تفتیش شروع کر دی ہے۔
