حافظ آباد: پولیس نے حافظ آباد میں 3 افراد کو قتل کر کے نعشیں جلانے کے مقدمے میں نامزد ملزم گرفتار کر لیا۔پولیس کے مطابق تہرے قتل کا ملزم قطر فرار ہونے کی کوشش کر رہا تھا جسے اسلام آباد ایئر پورٹ پر گرفتار کر لیا گیا جبکہ دیگر ملزمان کی تلاش جاری ہے۔
حکام کے مطابق ملزم کو گرفتاری کے بعد تھانہ ونیکے تارڑ پولیس کے حوالے کر دیا گیا جہاں اس سے تحقیقات جاری ہیں۔
واضح رہے کہ دو روز قبل ملزمان نے 3 افراد کو قتل کر کے گاڑی کو آگ لگا دی تھی، مقتولین میں سپین سے آنیوالا شخص اور ایک پولیس کانسٹیبل بھی شامل تھا۔مقدمے 8 نامزد سمیت 16 ملزمان کیخلاف درج کیا گیا تھا۔
