میلبرن: پاکستانی نژاد آسٹریلوی ٹیسٹ کرکٹر عثمان خواجہ نے ایک بار پھر نہتے فلسطینیوں اور بچوں پر اسرائیلی مظالم آواز بلند کرتے ہوئے کہا ہے کہ یہ دیکھنا مشکل ہے، ایسے جینے کا تصور کریں، اس بربریت اور ظلم کو ہم اب بھی دیکھ رہے ہیں جبکہ یونیسیف نے اسے بچوں کے لیے قبرستان قرار دیا ہے۔
عثمان خواجہ نے اپنے سوشل میڈیا پلیٹ فارم پر اسرائیل کے ظلم سے زخمی ہونے والے بچوں کی ویڈیو اپ لوڈ کی ہے۔ انہوں نے کہا میں اس حوالے سے بولتا رہوں گا اگر ہمارے لیے یہ سب معمول بن گیا ہے تو حقیقت میں ہم ختم ہو چکے ہیں، آواز اٹھانا مت بند کریں، ہمیشہ انسانیت، برابری اور ایک بہتر کل کے لیے کھڑے ہوں۔
انہوں نے کہا کہ دو سال ہوگئے اور اب بھی بچے مارے جارہے ہیں، انسانوں کو بھوکا مارا جا رہا ہے، ابتدائی طبی امداد کے مراکز پر حملے کیے جا رہے ہیں۔
