لاہور: پاکستان کی پہلی اور واحد ایف آئی ایچ انٹرنیشنل ویمن ہاکی امپائر بینش حیات نے کہا ہے کہ میں کامن ویلتھ گیمز اور ایشین گیمز کے میچز سمیت 80 سے زائد انٹرنیشنل میچز میں امپائرنگ کرچکی ہوں، اب خواہش ہے کہ اولمپکس میں پاکستان کی نمائندگی کروں۔
نجی ٹی وی سے گفتگو کرتے ہوئے بینش حیات نے کہا چین میں ایک اور فائنل سپروائز کرنا میرے لیے اعزاز کی بات ہے، پاکستان کی انٹرنیشنل ایونٹ میں نمائندگی کرنا ہمیشہ فخر کی بات ہوتی ہے، مجھے ایشین گیمز کے بعد ایک طویل وقفے کے بعد ایونٹ ملا۔ انہوں نے کہا کہ پاکستان ویمن ٹیم کے نہ ہونے کا دکھ ہوتا ہے، ہر کوئی پوچھتا ہے کہ پاکستان ویمن ٹیم کہاں ہے۔
