کراچی: کیمیکل ایگزامن رپورٹ میں اداکارہ حمیرا اصغر کی موت کو طبعی قرار دیدیا گیا۔ پولیس ذرائع کے مطابق اداکارہ کی لاش کے نمونوں کی کیمیکل رپورٹس موصول ہوگئیں ہیں جن میں اداکارہ کی موت کو طبعی عوامل کا نتیجہ قرار دیا گیا ہے۔
پولیس ذرائع کے مطابق اداکارہ کے پوسٹ مارٹم کے دوران کئی ٹیسٹس کے لیے نمونے حاصل کیے گئے تھے جنہیں جامعہ کراچی کی فارنزک لیبارٹری ارسال کیا گیا تھا، مزید رپورٹس آنا باقی ہیں۔ واضح رہے کہ اداکارہ و ماڈل حمیرا اصغر کی کئی ماہ پرانی لاش 8 جولائی کو کراچی کے علاقے ڈیفنس کے ایک فلیٹ سے برآمد ہوئی تھی۔
