چین کی ڈیجیٹل صعنت میں 2024 کے دوران آمدنی اور منافع میں اضافہ

چین کے جنوب مغربی صوبہ گوئی ژو میں چائنہ موبائل کے ڈیٹا سینٹر میں عملہ کا رکن آلات کی جانچ پڑتال کررہا ہے۔(شِنہوا)

بیجنگ (شِنہوا) چین میں 2024 کے دوران ڈیجیٹل صنعت کی آمدنی اور منافع دونوں میں پائیدار اضافہ ہوا۔

وزارت صنعت و اطلاعاتی ٹیکنالوجی (ایم آئی آئی ٹی) کے اعدادوشمار کے مطابق گزشتہ صنعت کی کاروباری آمدنی 350 کھرب یوآن (تقریباً 49 کھرب امریکی ڈالرز) تک پہنچ گئی جوکہ گزشتہ برس کی نسبت 5.5 فیصد زائد ہے  جبکہ مجموعی منافع گزشتہ برس کی نسبت 3.5 فیصد اضافے سے 27 کھرب یوآن تک پہنچ گیا۔

خاص بات یہ ہے کہ کمپیوٹرز، مواصلاتی آلات اور دیگر الیکٹرانک سازوسامان کے بڑے پیداواری اداروں کی  ایڈڈ ویلیو میں 11.8 فیصد اضافہ ہوا جو گزشتہ برس کے مقابلے میں 8.4 فیصد پوائنٹس زائد ہے۔

مصنوعی ذہانت (اے آئی)، کلاؤڈ پلیٹ فارمز اور دیگر ابھرتی ہوئی کاروباری سرگرمیوں کی بدولت ملک کے سافٹ ویئر شعبے کی کاروباری آمدنی میں 10 فیصد اضافہ ہوا اور یہ 13.7 کھرب یوآن تک پہنچ گیا۔

چین اپنی روایتی صنعتوں کی تبدیلی اورانہیں اپ گریڈ کرنے کے لئے ڈیجیٹل ٹیکنالوجی میں پیشرفت کے لئے پرعزم ہے۔